73生意 (第2/2页)

你，连我地UltimateUnit都觉得头痛嘅怪物，会系边个无啦啦放喺嗰度？」

    「．．．点解一定系政府军呀？」流主仍然不解

    「因为如果肥彭嘅商队路线延伸到政府军管辖嘅新界，就会影响到佢地嘅管治。」汪说

    流主皱起眉头：「点解呀？．．．有商队过去．．．有咩问题？」

    「依个系管治方式嘅问题。」汪解释说：「政府军管治新界嘅方式同九龙、香港岛唔一样，九龙系无政府状态，无规矩无制度无公义，所以先会有咁多土匪同Bitgdom，甚至系我地依啲组织出现。」

    「咁香港岛呢？」流主问

    「正势力管治嘅香港岛表面睇落b较好。」汪说

    「．．．表面？」流主疑问

    「正势力会无条件帮助同接济废土居民，甚至教佢地求生技能。虽然佢地拥有同政府军不相伯仲嘅各种技术知识，但系因为佢地崇尚民主自由嘅光环，所以佢地从来都唔会主动招才，导致长期缺乏技术人员，直接令佢地嘅科技b政府军落後。老实唔呃你，我地唔加入你地，唔帮你地打仗，你地都会保护我照顾我，咁有几多人会咁抵得谂加入你？正势力依个管治方式嘅好处系加入得嘅人都会百分百忠心，但系坏处就系辛苦左自己人，仲养懒左班居民。」汪cH0U了一口烟，把烟蒂掉在地上，轻轻用他亮丽的真皮皮鞋将其踏熄，续说：「统治新界嘅政府军就啱啱相反，佢地用强权式管治，独裁垄断新界嘅资源。佢地唔会迫你加入，但系只要你肯加入，就可以共享依啲资源，而且表现愈好，分到嘅就愈多。另一面，佢地唔单只唔会将资源分b唔肯加入嘅人，仲会不断搵理由将佢地驱逐。虽然，佢地嘅成员无正势力嘅咁忠心，但系佢地嘅人只要肯遵从政府军嘅规则，就保证丰衣足食。半威迫利诱之下，佢地嘅人自然多，发展亦会更快。」

    流主消化了汪所说的话，得出结论：「．．．所以，如果肥彭嘅行商路线延伸到新界，就会打破政府军垄断资源嘅管治方式．．．」

    「无错啦。」汪说：「老实唔呃你，政府军管唔管治到新界就唔关我事嘅，总之，只要帮到肥彭延伸行商路线，我就一定发达。」

    「．．．咁关我咩事？」流主其实知道汪的用意，不过却偏要装傻

    「咪玩啦。」汪笑说

    「．．．点解要搵我地帮手？我地应该系Si对头先啱。」流主说

    「哈！」汪禁不住笑了一声，续说：「搵食啫，唔好讲咩Si唔Si对头！你问我点解要搵你地，其实好简单。首先，你地杀左我几多人？超级变种人Ga0你地唔掂、MadRaider又b你地捣破埋．．．群埋痴孖根唔够，宜家仲有个猫头鹰前成员、正势力科学家、超级变种人．．．甚至连Bitgdom都b你冧掂埋．．．．．．你咁招积，唔搵你搵边个？？」

    「咁又点？点解我要帮你？」流主有点不屑地问

    汪笑说：「问得好，你唔问我反而担心你会跣我。理由有三个：一，你唔系四出招揽紧组织喺正势力同政府军嘅战争入面帮你手咩？」

    流主没有回应。

    汪续说：「二，只要你帮我，我保证我地UltimateUnit从今以後唔会再追杀你地，亦唔会再接任何针对你地嘅生意。」

    流主仍然沉默．．．

    汪凝重起来：「三，我已经接左肥彭依单生意，如果你唔帮手嘅，我就唯有拎你地嘅人头嚟填氹。」

    流主反驳：「如果你地系对付得到我地，又点会对付唔到你话希望我地帮你对付嘅嗰啲Si亡爪？」

    「可能系我讲得唔清楚，我唔系对付唔到佢地，只系对付佢地可能会令我损失惨重咁解。老实唔呃你，对付你地都一样，唔通你以为我会无做足准备就亲自嚟搵你咩？」汪虽然没有武器在手，看起来也不擅长战斗，但他的眼神却表现出他绝对是一个不好对付的人物．．．